“La Repega” è lo spazio autogestito da Luciano Aguggini, dove pubblica pensieri, parole e poesie.

[su_highlight background=”#682a1f” color=”#ffffff”] LEGGENDA DI  UNA BIMBA BRIANZOLA[/su_highlight]

     La cuntava la mia nonna:

Gh’era ona volta e on dì

ona paisanna bona comè ‘l pan

che la g’aveva ona tosetta sola

bella compagn del so’,bionda ‘me l’or

l’unica sua gioia tutt ‘l so tesor

   Ona sira d’Inverno,

fioccava a tutt’andà

la vos del campanin le corsa giò

per i contrad e per la vall

a bàtt e tucc i cà sòra la porta

per di che la tosetta l’era morta

  
 Quatter fiolitt coi gilii

E on prett coi cereghitt

l’hann portada al cimiteri:l’era nò grev

quel  fior de quatta giò sotta la nev…!

El sol el tramuntava in lontananza

Piangeven i campan de la Brianza.

  
 De quel di là la mamma

Le restata sola al mond,

povera dona senza on fil de ben,

l’andava al cimiteri tutt’i di

a  piang a desperass in genoggion

con el coeur che el sanguinava de passion.

   Ona mattina all’alba

Appena anda giò i stell,

gh’era fior de pertutt in di campagn

e i lodol ere sgora in ciel,

tutt’in tratt in dent al cimiteri

e succes on miracol,,on misteri

  
 Compagn d’ona corona

de tanti fiorelitt,

la mamma la se vista compari

dinnanzi a de lè on’ fila de angiolitt

che rideven cantaven tucc  content

de fas vede insci alegher tra la gent;

   Ma l’ultim el piangeva

E quand le staa vesin:”mamma,perché te piangett tutt ‘l di?

de quand mi sun rivada in Paradis

tra tanti bej fiolitt compagn de mi,

non vedi a piang,non vedi a piang che ti

    Per quest mi   patissi,piang pù mammetta mia

lasson canta e rid in cumpagnia